Në spital po shtrohen edhe mosha të reja, të prekur me Covid-19. Mjekja e Spitalit Infektiv, Migena Qato thotë se në pavion po marrin ndihmë edhe të rinj të moshës 30 vjeç.<br />"Sigurisht që edhe moshat e reja nuk po mungojnë tek të hospitalizuarit, ndaj mosha nuk po paraqet më një faktor riskues nga njëra anë, por edhe lehtësues nëqoftëse mendojmë për pjesën tjetër".<br />Shumica e të shtruarve janë të moshës 50-60 vjeç. Të shtuar për shkak të komplikacioneve nga Covid janë 50 persona, një rritje e ndjeshme në krahasim me dy javë më parë, ku numëroheshin vetëm 28 paciente. <br />"Numri aktual i pacientëve që paraqiten të infektuar dhe për rrjedhojë dhe të paraqitur në urgjencën tonë, pra të hospitalizuar është evident në rritje. Në urgjencën tonë po paraqiten diku tek 10 raste".<br />Mjekët specialistë thonë se virusi nuk është dobësuar. Pacientët të cilët shtrohen në spital paraqiten me të njëjtat shenja klinike si në fillim të pandemisë.<br />"Shenjat kryesore me të cilat ata paraqiten janë temperatura e lartë, vështirësia në frymëmarrje, që është pjesa që na preokupon më tepër nga simptomat e pacientëve. Pastaj edhe shenjat e përgjithshme si dhimbjet muskulare, artikulare, dobësia trupore, anoreksia. Shenjat klinike nuk kanë diferencë nga shenjat e para që përmendët ju, të 8 Marsit. Pacientët vazhdojnë të jenë me ankesa dhe me manifestime klinike problematike, mesatare në të rëndë".<br />Ekspertët e shëndetësisë e shohin me risk të lartë shtimin e numrit të pacientëve në spital. Ata thonë se mosrespektimi i karantinës nga personat pozitivë dhe shkelja e masave anticovid po sjellin shtim të rasteve nga dita në ditë.<br />Tv Klan<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
